मरगळ
Marathi language _ मराठी भाषा
अंगणी निवांत पहुडलेली दुपार
काळ जरा थांबलेला
वारा मही पांगलेला
मिहिर ही टांगलेला
कणाकणात चैतन्याचा कोण बडविल पणव ?
अंगणी भ्रांत अवघडलेली रांगोळी
रंग चुरगळलेला
सडा मरगळलेला
का बहर हा गळलेला
ठिपक्यात नक्षत्रांची ही कोण फुलविल पुनव ?
अंगणी श्रांत कोमेजलेली लक्ष्मी वृंदा
सुगंध हरवलेला
कंदील मंदावलेला
बंध हा भारावलेला
पर्णापर्णात माधवाची कोण रुजविल कणव ?
रचना : सुरेश महादेवराव देशमुख , नागपूर
No comments:
Post a Comment