मनी आर्डर
Bhoyar culture _ भोयर संस्कृति
Bhoyari dialect _ भोयरी बोली
भारतीय डाक विभाग न इ.स. १८८० म मनी आर्डर की सेवा चालू करी . मनी आर्डर क माध्यम कन् देस भर क १,५५,००० डाकखाना मिन देस भर कोना कोन्टा वरी लोगना ला घर बस्या आपलऽ सगा - सोयराना ला नगदी रुप्या पठावन की सुबिधा होती .
मनी आर्डर पोस्ट आफिस किथिन जारी कऱ्यो ती असो आर्डर रव्हस , जी कोनी ला रुप्या क भुगतान साठी जारी करस , जेक नाव प पोस्ट आफिस क माध्यम कन् मनी आर्डर धाडस . पयसा वोला च भेटस , जे को नाव मनी आर्डर प लिख्यो रव्हस . मनी आर्डर को येक फायदो असो स क पयसा जे क नाव पर पठावस , वोला वूई घर पोसता भेटस .
टेलिग्राम क वानी १३५ बरस पुरानी मनी आर्डर की सेवा बंद भयी .
आब मनी आर्डर को इलेक्ट्रॉनिक रूप चालू भयेस , EMO अन् IMO .
EMO अन् IMO नाव की मनी आर्डर सरीखी सुबिधा डाक विभाग न चालू करीस , जेकन पयसा तुरुत पठावता आवस .
EMO म १ रुप्या पासिन ५००० रुप्या पठावता आवस .
IMO म १००० रुप्या पासिन ५०, ०००/ रुप्या वरी रकम पठावता आवस .
१९८६ म ५ देस संग IEMO सुबिधा चालू भयीती . आब ९७ देस म या सुबिधा स .
भारत की २७ देस संग IEMO की सेवा येवस्था स . येम क नेपाल अन् भूटान संग दुय तरफा मनी आर्डर की सुबिधा स . बाकी २५ देस संग सिरफ आवन वाली च सुबिधा स .
* मनी आर्डर की गोस्ट याद आईस खास कारन कन् ! भोयरी संस्कृति की दुय किताब वर्धा क अशोक पाठे साहेब न मंगाइती . येन दुय की रु. ३००/ की सहयोग रकम पाठे साहेब न EMO की सेवा बापर कन् धाडी .
आब क मोबाइल बँकिंग , नेट बँकिंग क जमाना म बी डाक विभाग की १६० पुरानी मनी आर्डर की सेवा नवीन इलेक्ट्रॉनिक रूप म जिती स !
जय हो भारतीय डाक विभाग....
धन्यवाद पाठे साहेब....
लेखक : सुरेश महादेवराव देशमुख , नागपूर
No comments:
Post a Comment