🌧️ कारी कारीच बदली 🌧️
कारी कारीच बदली
वलो वलोच अंधारो
थब् थब् पानीमिन
डोकसा पर सं भारो
कारी कारीच बदली
चिबडेस गा भाबरो
मेंडकीना फुदकस
भये आभार डोबरो
कारी कारीच बदली
पानी डोरा को मावरो
गज् गज् आवार मऽ
रोये भोकनो कावरो
कारी कारीच बदली
रंगं माती को हिवरो
नदी नाला ला हुइक
माल पडे गा पिवरो
कारी कारीच बदली
भये मन बी डोवरो
आस उघाड की डोरा
थांबाड गा इ भोवरो
©️✒ सुरेश महादेवराव
देशमुख , नागपूर
No comments:
Post a Comment