## वोको जलम खंबुरो ##
पोटी जीव को टुकडो , रीतीरिवाज मऽ बंधी
घर सोडकन् जाये,संगऽ सिदोरी वो बांधी।१।
सुदा इचार आचार, गाय सोनोनानो चांदी
धरे खंबुरा गाठला,संगऽ सिदोरी वो बांधी।२।
मायबाप पठावस , स्येरी बकरी न् नंदी
करे जिंदगानी दान, संगऽ सिदोरी वो बांधी।३।
भाग लेकन जलमी ,भाग लेकन वो नांदी
राबे मायबाप साठी,संगऽ सिदोरी वो बांधी।४।
वोको जलम खंबुरो ,सहे सौंसार की आंधी
घिसे चंदनकी काया,संगऽ सिदोरी वो बांधी।५।
गंगा जमुना डोरामऽ , माया ममताला रांधी
बोट जरे निवापर,संगऽ सिदोरी वो बांधी।६।
जर आसुक बिमारी , नही आराम ला संधी
पोटुबाटुला जेवाडे, संगऽ सिदोरी वो बांधी।७।
गुन धरतिरीवानी , मनऽ अगास की धुंदी
दुय घर बारे जोत,संगऽ सिदोरी वो बांधी।८।
-- सुरेश महादेवराव देशमुख, नागपूर
No comments:
Post a Comment