अजब गजब - ७० : फलटन रियासत. bhoyar culture _ भोयर संस्कृति. bhoyari dialect _ भोयरी बोली

अजब गजब - ७० : फलटन संस्थान

Bhoyar culture _ भोयर संस्कृति

Bhoyari dialect _ भोयरी बोली

९ वऽ सदी म धारानगरी म परमार राज की मेढ़ गडी . ११ वऽ सदी पासिन मुसलमान राजायनऽ मारकाट मचाई . कयी पुराना राज दानोफान भया . येनऽ धामधूम म इ.स. १२४० म निंबराज ( पह्यलो ) परमार मालवा परीन महाराष्ट्र म फलटन जवर क भगवान महादेव क जंगल म आया . निंबराज ( पह्यलो ) परमार जेन गाव म रह्यो , वको नाव ' निंबळक ' . इ.स. १२७० पासिन वून न ११ बरस घोर तप कऱ्यो . वून पर देवी माय परसन्न भयी अन् वून ला ' मोरवेल ' को हार वरदान म देयो . इ.स. १२८४ म निंबराज (पह्यलो ) परमार न ' फलटन राज ' की स्थापना करी . वून न इ.स. १२९१ वरी राज कऱ्यो . 

* निंबराज (पह्यलो ) परमार इ फलटन क निंबाळकर / नाईक घराना को मूल पुरुस !

१. निंबाळकर / नाईक वंस 

* निंबराज (पह्यलो ) को पोरग्यो पोखडला जगदेवराव उर्फ धारावत राव :  १२९१ - १३२७

* निंबराज ( दुसरो ) : इ.स. १३२७ - १३४९ . पदवी नाईक . 

* वणंगभूपाल : इ.स. १३४९ - १३७४ 

* वणंगपाल : इ.स. १३७४ - १३९४

* वणगोजी : इ.स. १३९४ - १४०९ . इन क डोरा की पापनीना लंबी होती , तेकन नाव पड्यो , ' पलख वणगोजी '! इन क राज म १२ बरस को दुरगादेवी को अकाल पड्यो . वणगोजी न अकाल म आपलऽ लोगना की साजरी देखभाल करी . अकाल खतम होन क येक साल बास्त वून को सर्गवास भयो . 

* मालोजी ( पह्यलो ) : १४०९ - १४२०

* बाजी साहेब : १४२० - १४४५

* पवारराव नाईक : १४४५ - १४७० .

* बाजी साहेब नाईक ( दुसरो ) : १४७० - १५१२

* मुधोजी नाईक ( पह्यलो ) : इ.स. १५१२ - १५२७ 

* बाजी धारराव : इ.स. १५२७ - १५६०

* मालोजी ( दुसरो ) : इ.स. १५६० - १५७०

* वणगोजी ( दुसरो ) नाईक उर्फ जगपाल राव : इ.स. १५७० - १६३० .  वणगोजी बीस बरस क उमर म राजगादी प बस्या . इ.स. १५९०/९२ म इन न आदिलस्याहा संग लढाई बी करीती . 

* मुधोजी नाईक ( दुसरो ) : इ.स. १६३० - १६४४ . इन की पोटी ' सईबाई निंबाळकर ' को बिह्या इ.स. १६३९ म बिजापूर यहान छत्रपति शिवाजी महाराज संग भयो . 

* बजाजी नाईक ( पह्यलो ) : इ.स. १६४४ - १६७६ . इन क नानो पोरग्यो महादजी को बिह्या , छत्रपति शिवाजी महाराज की पोटी सखुबाई संग भयो . 

* वणगोजी ( तीसरो ) : इ.स. १६७६ - १६९३ 

* जानोजी नाईक ( पह्यलो ) : इ.स. १६९३ - १७४८

* मुधोजी नाईक ( तीसरो ) : इ.स. १७४८ - १७६५

* मालोजी नाईक ( तीसरो ) : इ.स. १७७४ - १७७७

* जानराव नाईक उर्फ जानोजी ( दुसरो ) : इ.स. १७७७ - १८२५ . २२ येपरिल १८२० म जानोजी न अंगरेज कंपनी सरकार संग तयनाती फऊज को करार कऱ्यो . 

* साहेबजी बाई निंबाळकर : इ.स. १८२५ - १८५३ . साहेबजी बाई जानोजी की लाडी . जानोजी को सर्गवास भया बास्त इन न राजपाट चलाये . 

* मुधोजी राव उर्फ बापूसाहेब नाईक निंबाळकर : इ.स. १८५३ - १९१६

* मालोजी राव उर्फ नानासाहेब निंबाळकर : इ.स. १९१६ - १९४७ . पदवी ' राजा '.

* इ.स. १९४८ म स्वतंत्र भारत म विलिनीकरन की पह्यली घोसना फलटन रियासत न करीती . 

# निंबळक गाव परीन येन वंस को नाव ' निंबाळकर ' पड्यो . ' नाईक ' या पदवी भेटीती . 

# फलटन रियासत की आराजी ९३६ . ३२ चौ.कि.मी. होती . इ.स. १९४१ म येन रियासत की आबादी ७१ , ४७३ अन् सालाना कमाई १५ लाख रुपया होती . फलटन रियासत क महादेव मुखी पुनो , पसचिम दकसिन म सातारा , पूरब म सोलापूर होतो . 

लेखक : इंजि . सुरेश महादेवराव देशमुख , नागपूर