भोयरी संस्कृति - ४३ : वाघाटा की भाजी. bhoyar culture _ भोयर संस्कृति. bhoyari dialect _ भोयरी बोली

भोयरी संस्कृति - ४३ : वाघाटा की भाजी

Bhoyar culture _ भोयर संस्कृति

Bhoyari dialect _ भोयरी बोली

आस्याढक क मह्यना म खेत क धुरा प , कुप प येक काटावाली येल ( बेल ) दिसस . वोला लिंबू येतरा मोठा फर ( फल ) आवस . वका फोतराना ठोकर रव्हस अन् मंझार म बी रव्हस ; येलाच वाघाटा कोस . या येक परकार की रानभाजी च स . पर येको बी बेगरो च महिमो स ! 

* वाघाटा को स्यास्तर को नाव ' Capparis zeylanica ' स . वाघाटा ला ' गोविंद फर (फल ) ' बी कोस . संस्कृत म यको नाव व्याघ्रनखी , कराम्भा , तपसप्रिय स . येला गुलाबी फुलना आवस . 

* वाघाटा म दवाई गुन स . थायराईड , चमडी की बिमारी , कफ , वात , पित्त , भगंदर , पेटदुखी , आसुक , हागी , सूजन पर वाघाटा की पत्ती , मुर आन् फर दवाई को काम करस . 

* वाघाटा की भाजी करन साठी पह्यले वका बीज निकारस . मंग ठोकर फोतरना ला वाफाय लेस नी त उकड लेस . मंग वून ला बघारकन् मोकरी भाजी करस . 

* आब येन भाजी म नवल की बात का स ? .....

_ आस्याढी येकादसी को उपास रव्हस . आन् दुसरऽ दिन बारस ला उपास सोडस . त बारस क दिन आस्याढी येकादसी को उपास सोडन साठी पाची पकवान संग च ' वाघाटा क भाजी ' को बी नेम होतो . आब की येक दुय पिढी ला त या भाजी बी मालूम नहाय ; आन् कोनी आंगुन कन् खात बी नही . 

( बेगबेगरऽ जिला म वाघाटा क भाजी को नाव बी बेगबेगरो होयेन . वूसाच नेम नियम बी बेगरा होयेन . या वरधा अन् नागपूर जिला पुरती मला मालूम स . ) 

( सहयोग : सौ. पार्वतीबाई देशमुख ) 

लेखक : इंजि . सुरेश महादेवराव देशमुख , नागपूर