अजब गजब - ६८ : अर्की
Bhoyar culture _ भोयर संस्कृति
Bhoyari dialect _ भोयरी बोली
हिमाचल परदेस क सोलन जिला म ' अर्की ' इ तहसील को ठिकानो स . अर्की सिमला पासिन ३८ कि.मी. दूर स . अर्की इ पहाडी राज बाघल की राजधानी होती .
१ . इतिहास : * बाघल रियासत की स्थापना १३/१४ वी सदी म अजयदेव परमार न करीती . तब वकी राजधानी धुन्धन अन् दाडला म होती .
* अर्की प पह्यलो राज साहबसिंह परमार न करे . इनकी स्याखा वराह होती . येन स्याखा को राज पंजाब ( बाघल ) म बी होतो .
* इ.स. १६४३ म सभाचंद परमार न अर्की नगर बस्याड्यो .
* इ.स. १६५० म राणा सभाचंद परमार न अर्की ला बाघल राज की राजधानी घोसित करी .
* इ.स. १८०० - १८०५ मंझार राणा सभाचंद परमार को वंसज राणा पृथ्वी सिंह परमार न अर्की को किल्लो ( गढ़ ) बांध्यो .
* इ.स. १८०६ म येन राज प गोरखा फऊज न कब्जो कऱ्यो . राणा जगत सिंह न नालागढ़ म आसरो लेयो .
* इ.स. १८१५/१६ म राणा जगत सिंह जी न , अंगरेज फऊज क सहारा कन् आपलो राज अन् अर्की गोरखा सिन वापिस लेयो .
* इ.स. १८३० म राणा शिवशरण सिंह जी न ' दीवाने खास ' बांध्यो .
* इ.स. १८४० पासिन १८६७ वरी राजो किशन सिंह न यहान राज कऱ्यो . वून न अर्की की ढंग कन् उन्नती करी . सडकना बांधी . वून ला ' राजा ' की उपाधी बी भेटी .
* १५ येपरिल १९४८ म या रियासत हिमाचल परदेस म सामिल भयी .
२. वास्तुकला : * अर्की किल्ला, महल क बांधकाम म राजपूत - मुगलई कारागीरी को मिसरो दिसस . भित पर का चितरंगना कांगडा सैली का दिसस .
३. वर्तमान : * अर्की जवर च बातल गाव स , जेला नानी कासी कोस . अर्की जवर च दुरगा माता , लुटरू महादेव , शाखनी महादेव का परसिध्द देऊरना स .
* आब अर्की गढ खंडारा मिन जी चांगलो भाग बाचेस , वोमऽ हेरिटेज होटल स . आन् राजाना का वंसज बी वहान च रव्हस . वर्तमान म इ होटल न गढ राजा राजेंद्र सिंह येन वंसज की इस्टेट स .
# आमारऽ राज क जुनऽ गवरव की निस्यानी आन् वयभव की कथा - गाथा बाचिस . वून को जतन अन् दरस्यन करनु , इ आपरो काम स .
( सहयोग : इंजि. जालमसिंह सोढा जी जोधपुर )
लेखक : इंजि. सुरेश महादेवराव देशमुख , नागपूर
अद्भुत इतिहासिक जानकारी
ReplyDeleteधन्यवाद जी 🙏
Deleteधन्यवाद जी 🙏
ReplyDeleteखूपच चांगली माहिती
ReplyDeleteधन्यवाद भोयर सर 🙏
Delete