साडेसाती सतरंगी
( भोयरी कविता )
Bhoyari dialect _ भोयरी बोली
सुख दुख दुय चाक
चले चाकोली की वारी
गड्डा गुड्डा दगुडना
बाचाडस धुरकरी ।१।
नाना मोठा परसंग
चले कलेजा प आरी
येनऽ खटपट म च
कटे जिंदगानी सारी ।२।
कब गिऱ्या को तरास
स्यनी राहु केतू भारी
साडेसाती क फेरा म
मती पाखंड ला हारी ।३।
खेती किरसानी करे
धंदो पानी नवकरी
पेट पानी को जुगाड
मंग गोस्टना दुसरी ।४।
खलऽ वरतऽ झकोला
आये सारा की च बारी
राखे तोल धरकन
वोम खरी मातबरी ।५।
केता गोड च खायेन
कडू मातरा जरुरी
साडेसाती सतरंगी
करो बाघ की सवारी ।६।
रचना : सुरेश महादेवराव देशमुख , नागपूर
Khup chan mahiti.
ReplyDelete