महाबली हनुमंता
Varhadi dialect _ वऱ्हाडी बोली
असा काहून कोपला
माह्या बापा जगजेठी
आन दोरनागिरीले
देरे संजिवनी बुटी ।१।
महाबली हनुमंता
आता नको मारु सुट्टी
बेजा हयरान देवा
गुल झाली सिट्टी पिट्टी ।२।
आलं कोरोनाच्या आंगी
आता तूच जारे वाटी
हान आडवा तिडवा
कर भादरुन चाटी ।३।
खूब मासोंडला थो रे
हिसकली भाजी रोटी
कामा धंद्याले मनाई
अन्न कसं यावं ताटी ।४।
दाव तुवाला हिसका
कर लंबी गा स्येपटी
काढ मसकून असा
याद राखन कपटी ।५।
ठेव हात पाय भले
नको देवा तूप रोटी
दोन येळ दे पोटाले
भाजी भाकर आमटी ।६।
धाव मारुतीराया रे
लागला कोरोना पाठी
धाड मसनात त्याले
सोडव मगरमिठी ।७।
रचना : सुरेश महादेवराव देशमुख , नागपूर
जय हनुमान
ReplyDeleteखूब साजरी रचना
धन्यवाद जी 🙏
Delete